【本報訊】豐盛苑火場樓上兩個單位亦受今次大火波及，其中住11樓的譚姓一家，屋內睡房及露台全被焚毀，牆壁嚴重熏黑，連兒子的多個獎盃也被燒熔變形，譚昨晨與妻子返家清理時，對家園受損一臉無奈，「燒得好嚴重，間房燒晒，雪櫃、新買洗衣機、冷氣機乜都冇晒」，估計損失約5萬至6萬元，但「冇計，火燭就要走，最緊要安全」。
譚與妻子、母親及兒子同住上址逾30年，養了兩隻貓，譚在走火時臉部及雙手熏黑。他稱當時在睡夢中被救命聲驚醒，望出窗外驚見濃煙，立即「帶埋啲貓，帶埋我老婆，同個仔、我阿媽，攞住兩件褸同張被就落樓！」行至9樓起火樓層時，發現起火單位女戶主大叫救命，並企圖開消防喉救火，當時見有男街坊在幫她，遂先帶母親逃生。
戶主：冇買家居保 硬食損失
他說家中損毀嚴重，不少家具都燒毀，新買的冷氣機、洗衣機全部燒熔，其兒子放在客廳的多個單車賽獎盃，包括去年獲單車公路繞圈賽挑戰組冠軍，均被燒熔熏黑。譚說：「我冇買家居保險，硬食，管理公司話會幫我哋跟進。」
■記者文兆麟