【本報訊】與中彈急救員同隊的隊友形容事發時催淚煙密佈，伸手不見五指，各人又身處不同位置，數分鐘後才知隊友受傷，感到非常難過，哽咽稱：「連手足都幫唔到，好無助。」他事後出現心理陰影，再見防暴警出現時，竟怯場不敢靠近，須透過心理輔導治療創傷。
稱警暴不斷升級
中彈急救員的義務急救員團隊共有三男一女，以出事中彈的阿仁年紀最細，其餘各人均有正職，當中阿君和Harris任職註冊護士，Alvin則是中學教學助理，同樣取得急救資格，各人透過Telegram群組認識，8月開始組隊，每次警民衝突中均出動。
隊友Alvin形容阿仁屬穩陣派，之前以個人名義擔任義務急救員時已齊備防毒面罩、手套等全套裝備，亦不會做「衝衝子」，「見水炮車嚟，識得搵地方匿，唔係一味衝前嘅人」。他指阿仁今次受傷是警暴不斷升級的結果，「警方過份使用武力，傷及無辜街坊及小朋友」。他清楚記得當時見到阿仁猶如被燒熟的背部，難過得無法言語：「嗰吓好愕然，出去保護人，連隊友都保護唔到，好難受同無助。」
另一名隊友Harris稱，各人事發均身處波斯富街，經評估後以為無即時危險，稍有鬆懈之際，防暴警突擲出手投式催淚彈，他與Alvin忙於扶走街坊洗眼，未有為意有隊友中招，直至處理完畢，遍尋不獲阿仁蹤影，地上拾到其手機及頭盔，方開始擔憂。「第一個擔心係咪俾人拉咗，事後先知瞓地嗰個係佢」。
事件令Harris難辭其咎，甚至出現創傷性後遺，「每次出動，都會提醒手足以安全為原則，但一次比一次凶險，警方一次比一次升級武力，我再出動竟會怯，唔敢太靠近防暴警，先知心理出現問題，結果要搵方法解決」。
■記者姜偉康