鄭浩南（Mark）定居馬來西亞多年，但心繫香港，最近獲ViuTV邀返港拍新劇《地產仔》，昨日與朱慧敏等到佐敦進行開鏡儀式。他說：「返嚟順便睇吓香港點，幾好呀，希望香港一路好落去，面前有嘅問題好快會解決到，我喺1967年暴動嘅時候啱啱3歲，乜都可以擺平同拉直，我唔相信呢個年代會傾唔埋欄，希望順順利利，變返正常嘅香港。」
新劇中被朱慧敏暗戀的Mark，被讚身形弗爆更電暈對手，他笑說：「唔係嘛，我望都冇望佢，講笑啫，太客氣，我不嬲都有打波，打棒球同壘球，不過退咗役，𠵱家打網球。」同場的余香凝在劇中演地產界大家姐，她表示多看劉嘉玲的演出，學習演得有氣勢。
採訪：羅慧敏
攝影：仇志德