賈思樂昨日與陳煒、楊思琦、向海嵐、陳秀雯及戚美珍到九龍灣為下星期舉行的音樂會綵排，眾人合唱《只有情永在》。賈思樂開騷在即心情興奮，透露加入對談環節，已邀請認識超過十年的陳法蓉、李司棋、陳敏兒及吳浣儀：「佢地話會爆料，講啲冇人知嘅嘢，希望佢哋手下留情。」
陳煒受訪時透露男友不會到場支持：「佢成日喺屋企聽我唱得多，同埋佢唔係好想出席公開場合。」日前有報道指男友送她千萬基金，兩人更閃婚，陳煒否認：「報道你都信？冇送亦冇一齊投資，大家唔係好長時間，冇計劃。」腹大便便的楊思琦笑指老公文靜，未必會到場。至於BB性別及預產期，她繼續賣關子，只透露是鼠BB。
採訪、攝影：盧妹