談到人生，泰迪羅賓覺得凡事要感恩：「我唔係教徒，但係都相信人生冥冥中係有主宰，盡量做好自己已經足夠。人生又點會冇煩惱，一定有唔開心經歷，有時候能夠解決就解決，如果唔係過咗就算，let it be。」圈中人緣極好的Teddy，自言和合作過的人沒有不和：「好似嗰陣拍《英倫琵琶》，其間可能有好多交嗌，喺英國都有吵大鑊，但係𠵱家老友到不得了，好彩出嚟嘅結果係好嘅，所以變咗更加老友。」
至於有否想過退休，Teddy笑說：「我諗我唔退得休，退休我就bye bye，做人最重要係享受過程，所有嘢你盡咗力去做，毋負自己嘅夢想，就算結果係咁都冇辦法，最多咪痛苦一陣，但係唔盡力就冇嘢好講。」不過他又說：「話唔退休箒，當你冇嘢做嗰陣咪等於退休，到嗰陣如果手指仲可以彈結他，都會做啲嘢，總之做乜都得，要覺得自己有生存嘅價值。」