31歲嘅前阿仙奴中鋒賓特拿最近出自傳，早前已爆料話自己曾叫亨利收聲，今次更爆自己16歲參與除夕派對嗰陣，曾被男性朋友性騷擾。賓特拿將嗰位男性朋友化名為西拉斯，佢哋喺2003年一齊參加除夕派對，賓特拿話佢瞓醒嗰陣，發現西拉斯玩緊佢嘅下體：「我嘅反應就好似一個異性戀嘅少年咁。我冇打佢，但我係咁鬧佢。」之後賓特拿即刻着好衫褲走人，並同西拉斯斷絕來往。