熱刺翼鋒孫興民上場因粗暴攔截愛華頓中場安祖高美斯，俾紅牌驅逐出場，球會喺星期一為佢上訴。據BBC報道，英超賽會經過獨立調查小組討論後，決定取消孫興民喺對陣愛華頓嗰陣所收到嘅紅牌。報道指，熱刺對球證判決提出上訴，英足總亦認為紅牌係誤判，所以孫興民唔使喺未來三場聯賽停賽。至於受傷嘅高美斯，喺手術成功後已經出院，有望完全康復。