陳百祥（阿叻）和杜汶澤昨日出席港台網上直播節目《香港電台視點31》，分別代表黃藍陣營進行舌戰，討論近日由反送中所引發的政治風暴，多次表明撐警的阿叻，除認為「元朗7.21恐襲」只是互毆，同時支持警察開真槍對付示威者，立即被多番在運動中為市民發聲的阿澤指摘：「支持開槍絕對係滅絕人性。」
現年68歲的陳百祥昨日由黃杏秀陪同下，於下午4時15分以全白造型抵達廣播道香港電台，稍後杜汶澤以全黑西裝現身，阿叻向來撐警，跟支持逆權運動的阿澤，正好是黃藍對決。
獨立調查成共識
節目開始時，阿叻與阿澤句句「肉搏」，阿叻歸咎於年輕人沒有讀歷史，所以受人擺佈。阿澤即指摘問題不在於對歷史的認識，而五大訴求也非常簡單。其中阿叻提到撐警開真槍對付示威者，他說︰「當然支持，因為喺生命垂危之下開。大家都崇拜美國，有露宿者係俾五個警察開槍。」阿澤說：「美國係民選國家，香港就行緊緊急法，冇民選政府。因為如果係民選，係可以推佢落台。支持開槍絕對係滅絕人性，點解香港人咁憎陳百祥，就係因為咁。」阿叻只不停回應說：「冇所謂。」
講到7.21元朗恐襲，阿澤指有警察見到白衣人打人，不但沒有開槍更掉頭走。但阿叻卻指對方掉頭也很正常︰「我睇到嘅唔係無差別襲擊，而係毆鬥、互毆。」雖然二人各持己見，但在成立獨立調查委員會上，難得有共識。阿叻指待事件平息後，便可有獨立調查：「例如點解要打學生，喔，原來係暴徒。」阿澤語帶諷刺的說：「查埋美國有冇出錢啦。」阿叻直言不用查：「唔係邊有資源呀？你𠵱家都想淨係查警察啫。」
話題隨後引伸至警方沒有佩戴委任證執勤，阿叻指：「之後再查囉，全部有片呀，𠵱家啲科技蒙咗面都搵到人，邊度出勤有晒編號，你冇聽保安司講咩？」阿澤聞言即愕然，反問：「咁委任證幾時用？」阿叻又發表偉論：「委任證係天下太平時，啲警察出嚟維持秩序，你想知邊個係警察先畀你睇。」講到警察經常在街上挑釁市民，阿叻反認為是市民挑釁警察，被阿澤嘲笑他只看無綫新聞，阿叻回應自己睇勻三個台。
阿澤：「嘥Ｘ氣！」
節目結束後，阿澤離開港台時笑言很激氣，因邀請出席的利君雅沒有出現。現場有人大叫：「光復香港」，阿澤回應「時代革命」。問他有何感想？阿澤表示：「人同人嗌交基本都要有啲嘢嗌吓，佢最可怕嘅地方，係佢首先唔記得自己講過乜，佢喺呢頭講完就唔記得自己講乜嘢，係完全冇邏輯。」可以簡單給阿叻一個形容詞？阿澤說：「嘥Ｘ氣！」當阿叻上車後有商台員工舉起驗眼紙貼近車窗，指他看不到警暴。阿澤跟阿叻這次直播討論，最高峯時有27.4萬人觀看，相信是香港fb live的紀錄。
採訪：羅慧敏、盧妹
攝影：林賓尼