縱使相隔多久，正義與公義依然是人們的信念，電影《神探俏嬌娃》（Charlie's Angels）的核心正是如此。衛詩雅、李靖筠與張沛樂（沙律）日前在旺角向兩位以色列格鬥術認證教練拜師，短短數分鐘，她們已經掌握到竅門，將教練撻到「攤攤腰」。
撰文：盧妹
攝影：仇志德
電影《神探俏嬌娃》以全新陣容回歸，繼續打擊邪惡軸心，除了有智慧，更要武裝起來。三位「港版Angels」衛詩雅、李靖筠與張沛樂日前在旺角學習防狼自衞術，雖然性感欠奉，但搞笑搭夠。衛詩雅拍過不少動作場面，有少許武功根底，面對持刀襲擊的「兇徒」，一拉一踢已經制服了對方，她說：「我覺得自己表現還好，最緊要都係教練肯畀反應。」李靖筠利用電影《屍殺片場》中的搞笑逃生法，避開從後熊抱的「色狼」。有打泰拳的沙律，學習向從後箍頸的壞人施展過背摔，她說：「打拳叻唔代表可以預防突擊。」
拍喊戲被虐
衛詩雅喜歡拍動作片，笑言等埋位期間冇咁悶：「之前有套電影開鏡前，都去咗同啲武師齊齊受訓，我仲要係唯一一個女仔，覺得自己為女仔爭一口氣咁。」除了動作片，亦拍過不少劇情片的她，坦言拍打戲與喊戲同樣辛苦：「打就身體上嘅痛，喊就係靈魂入面嘅痛。做演員有時都幾被虐，如果自己唔痛，又好難令觀眾感受到你嘅感受。」相反，沙律覺得只要有模仿能力，拍打戲不辛苦：「有武師做好晒，求其做都有效果。」李靖筠謂拍打戲，最重要學被人打：「拍嗰陣，對方唔會真係打落嚟，要識得做好痛嗰個反應，如果唔係就會好假。」
港版《俏嬌娃》
提到翻拍《神探俏嬌娃》，她們希望有日可以拍香港版，李靖筠笑謂：「性感嗰部份唔講住，不過我都想拍英雄片，好似係個好爽嘅體驗。」衛詩雅大讚香港武師很專業：「好多荷李活電影都係搵呢班前輩做指導，以前香港都係動作片多，我好想可以承接到。」
場地提供：Fightkids