今季重返意甲、加盟布雷西亞嘅巴洛迪利,喺星期日作客1:2不敵維羅納場波度,俾主場球迷種族歧視,點知維羅納上至會長,下至主帥都唔認數。維羅納極端球迷組織領袖之後受訪,更直言話「巴神」係「黑鬼」又如何。面對呢啲屈辱,巴神不甘示弱,喺ig反擊:「呢個已唔係足球問題,而係社會同歷史問題,係比呢班心胸狹隘嘅人更嚴重嘅問題。」至於喺意甲水深火熱嘅森多利亞,星期一作客以1:0險勝史帕爾,終於脫離榜尾位置,拎到雲尼亞里接手後嘅首勝。