電影《淪落人》的導演陳小娟今年7月宣佈懷孕，前晚在社交網宣佈BB出世，並貼一家三口的溫馨合照。她透露BB是男生，重6.5磅，還打算餵母乳，除了宣佈喜訊，還留言明年復工︰「新作品Mini Ma已經面世喇，P.S.努力做乳牛中，但都要賺尿片錢，歡迎工作邀約，2020年頭復工。」
陳小娟昨日回覆《蘋果》︰「係男仔，出世6.5磅，順產。陣痛五小時，係意志力大考驗，每次都抓實老公隻手，一開頭都流咗啲眼淚，因為真係痛！做媽媽好大改變，唔再二人世界，但見到BB好值得，抱起佢好幸福，覺得佢好脆弱好需要保護，要畀好多愛佢。」談到工作，她說要自律︰「每日要設定留幾多時間去寫嘢，幾多時間湊仔。」
採訪︰如文