阮民安（Tommy）在抗爭運動一直勇於表態，眼見前日傍晚有市民到太古城中心組人鏈，最終卻發生防暴警闖入商場內拉人，有灰衣男持刀割傷多名市民，其後更咬甩民主動力召集人趙家賢的耳朵，事件恐怖，他前晚即在fb呼籲全民三罷：「X你X母，太古灰衫個冚X鏟斬完人，啲防暴嚟到，又唔拉，又唔鎖，連撳X佢喺地下制服佢都冇？條冚X鏟之後仲可以企番喺度笑笑口？對住普通香港人，手足就戴個口罩，唱吓歌都又要跪，又要趴地，又要拉，又要打，又要鎖。香港人呀！肯全民三罷未？」
Ben Sir玩拆字
「Ben Sir」歐陽偉豪同樣看不過眼，曾任中大中文系高級講師的他，前晚在網上把「太古城」拆字作暗示：「最中產，係太古城。最激烈，亦都係太古城。𠵱家，太古城變咗：大、十口土成」網民即留言：「散咗！」
另外，無綫多次被網民指新聞立場偏頗，前晚播出的《節目巡禮2020》，未知員工有意或無意，在一系列的劇集預告當中，竟然穿插了不少與現今社會問題相關的對白，例如《大醬園》中「你個良心去咗邊啊？」；《殺手》的「呢排啲人咁多怨氣，總有啲人想人死」；《法證先鋒4》就有「無枉無縱為死者發聲，無畏無懼替生者雪冤」等等。
李佳芯出鏡少
而李佳芯早前傳因為政治表態而被無綫雪藏，在她有份演出的《殺手》預告片中，前後只得三個畫面，清楚見到真身的只得半秒，還揸槍遮了鼻和嘴，單眼望鏡頭，反而第二、三女主角龔嘉欣和江嘉敏出現更多。
撰文：翁可人
