警隊一哥盧偉聰今個月退休，二哥警務處副處長鄧炳強就快接班，但之前有傳警隊以至建制都覺佢止暴制亂唔掂，既然就快坐正一哥，自然要搞吓形象工程！
噚日藍絲群組就流出一張鄧炳強帶齊警棍、頭盔、防毒面具等裝備，親自落場驅散示威者嘅相，但有人發覺單睇張相，似乎有吹大之嫌。
張相見鄧現身警總，着晒全套裝備準備落場，港島總區應變大隊高級警司吳志忠在旁，藍絲po文話鄧帶領警員將防線由金鐘開始推進至上環，又講佢點親自驅散示威者，又話現場點火光熊熊，但有現場記者同八方講，當時金鐘唔見真係咁樣，所以奇怪為乜差人狂放催淚彈，𠵱家終於明，原來要保護未來一哥！