西甲豪門巴塞隆拿上禮拜六作客利雲特，雖然喺上半場38分鐘由美斯射入12碼，呢球亦係佢為巴塞第500個左腳入波，可惜利雲特下半場喺8分鐘內連入3球反勝3:1，令巴塞七連勝告終。不過，同日馬德里體育會1:1打和西維爾，皇家馬德里亦同貝迪斯交白卷，賽後巴塞同皇馬同得22分，但巴塞憑較佳得失球力壓銀河艦隊。