【本報訊】林子峰「地產大炒家」形象，可謂優品360出事一大原因。2014年元朗又一新城劏場，劏成149間舖，入場費100萬元，但舖位「三尖八角」。林子峰表示，當時接納同事計劃前，沒有事先親自到現場看過，「我淨係睇數字，賺到幾多，有得做咪做囉。」
為元朗劏場致歉
他承認做法不理想，有改善空間，「嚟緊公司都唔會再有呢啲項目，現在無，將來都唔會再做。」
林子峰另一「傑作」，是2014年至16年夥拍「磁帶大王」陳秉志等人向領展買了8個商場，並極速把其中4個停車場的部份車位拆售，當時勁賺逾兩億，「當時領展啲商場嘅環境比較惡劣，我哋就賣咗部份車位，全部擺落商場做翻新。」
林子峰認為拆售車位是雙贏做法，平均已升值三成至六成。對於被指逼走小商戶，林子峰指翻新商場期間，部份租戶需暫時離場，才能進行工程，但個別租戶拒絕配合，有少數租戶對租金調整不滿，他認為是正常現象，而最終現時為止商場仍然是小商戶為主，做街坊生意。