【本報訊】上月16日被多人以鐵鎚襲擊，頭上至今留下三道傷痕的社民連岑子杰，昨在社民連副主席黃浩銘和友人陪同下，身穿寫上「不在真話中崛起，就在謊言中滅亡」的紅色T恤，坐輪椅到其參選的沙田瀝源選區復出拉票，大批巿民主動上前握手慰問和支持，更有人為岑送上飲品打氣。岑子杰強調今次選舉重點不是誰人出選，而是整個民主派陣營一齊出選，「呢一區贏咗固然係好，更加重要係民主派喺成個區議會選舉入面贏取過半數，唔可以再令18區區議會主席都係建制派，去亂咁偽造民意，將香港推到今日呢個地步」。
「警察好怕成為condom」
早前受傷後頭部三處須縫針的岑子杰指出，三個傷口分別有3.5厘米、4厘米和5厘米長，目前已大致埋口，左邊膝頭關節則仍然發炎，現時僅可站立一段短時間的他笑指：「坐喺輪椅﹙拉票﹚，（有事時）走佬走得快啲嘛」，又指現時唯一不能做的動作是「跪」，「我不嬲都無打算跪，所以無乜事嘅！」
他強調，香港的康復較個人的康復更重要，「我諗呢場運動，我哋最睇到嘅，係我哋香港真係病咗，特首唔聽民意，建制派又唔會彈劾林鄭，我哋區議會主席都唔係代表我哋居民，我哋成個制度都有病」。
岑子杰稱休養期間一直有留意示威情況，批評警察竟連消防員亦施襲，反映警暴情況完全失控，香港人必須企硬，「警隊好怕呢場運動平息之後，佢哋成為condom、要被祭旗，我哋香港人要更加聰明，更加保護自己，繼續堅持落去」。除了政治上的五大訴求，其地區政綱亦有五大訴求，包括爭取區內全面興建無障礙通道等。其同區對手是公民力量黃宇翰。
■記者林俊謙