太子站B1出口最終面貌出爐：成隻化寶爐咁樣！街坊竟然冇啋佢一聲，反而一口咬定：嘩，和合石咁喎，即係真有嘢，晚晚超渡，唔得佢死。政府的抽水文宣，零效用。
太子祭壇，冥鏹放題夜燒，831周而復始，化灰都無法滅聲。隔籬旺角警署，冤靈纏繞不止，黑警抓狂，晚晚都係申請不反對通知書的哈no win。Win尼熊的貞子版，現身幽冥旯旮。黑警信邪，以為冇編號就一世唔會惹×「上身」。人在做，魔在吼，另一個世界，判官唔係鄭若驊×鄧二哥，有咁便宜佢地？
焚化爐太子站是奇景，屯門大興行動基地接力，釋出的疑似化武測試，強國出產，混合後會令人上癮、迷幻、癲狂。黑警就係中毒樣本！叫人下跪半粒鐘，當自己習近平大帝附身！想得科幻一點，中招抗爭者被基因突變，進化為超級Marvel，與黃蜂女、蟻俠拍住上，曱甴Water Act！迷離冤靈與變種基因HKers，從太子到屯門，站站停，入晒屋，上晒頭，律政司變裝化寶爐，信天主的她這幾個月拜神唔見雞，看來好快跳閘，黨鐵終站太子，等緊佢！