瑞士超球隊塞維特為咗提高周日對年青人嘅門票銷量，居然喺Twitter度上載咗段成人網站嘅短片（圖），喺條片度就見到一位衣着暴露嘅女性走緊上樓梯，而樓梯口就貼咗塞維特嘅隊徽，球會仲話：「周日比賽啲飛好搶手。」雖然球會只係想同球迷講笑，但睇嚟大家就唔太受落喇。球會好快就將相關短片「撤回」，仲發出道歉聲明，知錯能改都係好事嚟嘅。