【本報訊】反送中運動為時近五個月，白色恐怖陰霾除籠罩職場，更波及和理非的日常生活。有港人疑被內地朋友篤灰，截下其facebook反送中帖文的圖片，再附上其個人資料發予內地一名KOL在微博公開。有關微博帖文瞬即獲過萬讚好，該港人亦在社交媒體受到不少疑似假賬號滋擾。
「喺知道自己俾人起底之前，都覺得有啲古怪。」九月初阿言（化名）已在facebook收到不少陌生人的訊息，內容圍繞「死廢青」、「黃絲」、「暴徒」等字眼，當中不少看上去是新開的賬戶。突然被網民盯上，阿言起初感到奇怪，「我本身都唔係一個公眾人物，只係一個好普通嘅人」。不過，阿言再細想後，心底裏也略猜到一二，因他曾經到內地留學及實習，結交不少內地「朋友」，懷疑因此被篤灰，但當時仍是一笑置之。
直至有朋友告訴他被起底，並已在微博瘋傳後，阿言才知事態嚴重。「打咗個突，啲個人資料俾人擺晒上網，大大隻字咁寫晒喺度」。該名微博網紅有逾270萬追隨者，帖文公開阿言的履歷，亦找出其畢業論文、Linkedin賬戶資料及個人照等等。
事主曾留學內地
帖文上載兩三日後，已有過萬人讚好，轉發次數逾700，留言者過千。有網民稱阿言「想出位！就滿足他的願望」，並預祝阿言「舉國聞名」。由於帖文亦有提及阿言曾在內地留學，網民留言指摘阿言「不分青紅皂白、讀屎片」，又有網民認為阿言「以為自己是天之驕子，誰知道來到內地毫無優勢」，其後便變成「極端的反內地」。更有網民留言稱「覺得hk應該經歷一次文革」。
不過，阿言並無因此噤聲，認為言論自由是天賦人權，「如果我自己都噤咗自己聲、自己跪低嘅話，咁就會少一個香港人去捍衞應有嘅權利」。阿言續指，自己的言論只屬和理非級別，講述自身立場及分享所觀察到的事，「至少有200萬+1嘅人都會有同我相同嘅立場……咁唔通每個人都係港獨分子亂港暴徒咩？」
■記者周詠雯