【抗暴之戰】
【本報訊】民陣召集人岑子杰上月中被多人以鐵鎚襲擊，其遇襲後躺在地上浴血的畫面，香港人歷歷在目。休養半個月，已報名循沙田區議會瀝源選區出戰的他今日﹙3日﹚復出落區，目前仍需以輪椅代步的岑直言現時外出仍有恐懼，「有人行近都會心跳加速，唔知行出街又會有邊個跟蹤、或者打你」，但笑稱「爛命一條」，表明繼續參選、堅持接觸街坊，誓要為香港人在選舉中擊潰「罔顧民意，偽造民意」的建制派議員。
記者：陳嘉裕
岑子杰目前仍須以輪椅代步。他上周五﹙2日﹚接受《蘋果》訪問時透露，受傷的膝頭有待消腫，目前只可步行兩至三分鐘，不能久站，頭頂上的兩條疤痕則已經癒合，頭髮則因此而要剪短。據他所知，其案件暫時未有人落網，估計兩次遇襲都與自己擔任民陣召集人有關：「佢﹙想﹚透過攻擊我、襲擊我，嚇到民陣唔敢再搞遊行，呢個係最有可能嘅原因」，但他直指不會被對方的策略影響。
「會堅持做啱嘅事」
尚有不足一個月就是區議會選舉投票日，遇襲令代表社民連參選的岑無法透過擺街站等方式爭取支持。他坦言過去兩星期依賴剛出獄的社民連副主席黃浩銘幫忙擺街站，今日則親自復出上陣：「無論咩身份都好，都要爭取同唔同市民傾偈、溝通、接觸，做判斷時先會貼地」。
襲擊陰霾下，岑子杰直言出街時會有恐懼，但他指：「驚同唔驚係冇得選擇嘅生理表現，但會唔會繼續去堅持、做認為啱嘅事就係一個選擇，我唔會選擇停，因為停咗係一件恐怖嘅事」。他笑指自己「爛命一條」，惟身邊朋友都為其安全掛心，會安排接送及保密其行程。正如反送中運動經常稱「人多就安全」，他指現身街站時會安排大批義工參與，相信人多勢眾、「輸人唔輸陣」下，敵方不會輕舉妄動。
「區會冇反映民意」
岑子杰認為區議員的職能是諮詢地區聲音，但當主流民意清楚表明反修例時，現時18區區議會主席卻出聲明支持政府修例，他怒斥18區區議會主席「罔顧民意，偽造民意」，「你見到成個區議會有履行區議員嘅職責咩？𠵱家唔係我陪唔陪到街坊去覆診、唔係我履唔履行到陪阿婆去搭車，唔係我爭唔爭取到交通燈延遲3秒﹙嘅問題﹚，而係區議會有冇反映民意？」他並指，若建制派議員在反修例風波發揮功能，主動勸停林鄭政府，香港不會出現今日的狀況。
反送中運動下民主派選情被看高一線，岑則指其該區選民平均年齡較大，估計勝算只是一半一半。他承認建制派在區選仍有不能動搖的優勢，「你諗下由（民建聯成員、民政事務局局長）劉江華劃你哋嘅選區，你都已經冇運行啦」，重申今次選舉除了是一次全民表態，亦可讓民主派有機會離開同溫層，接觸不同市民，「只有接觸先會帶來改變」。瀝源選區另一候選人為退出新民黨、以公民力量身份參選的黃宇翰。