電影《再見UFO》故事發生在上世紀八十年代中，圍繞香港華富邨出現UFO的都市傳說，三位兒時住屋邨的好友，蔡卓妍、徐天佑及黃又南一晚看到UFO，惟當時沒人相信。三人長大後，各散東西，面對不同經歷，卻未能忘記童年往事。戲中除了談及UFO外，亦有不少兒時的情懷，電影找來小演員飾演三人童年，黃又南稱與飾演其童年版的11歲小朋友特別投緣：「佢一啲都唔怕醜，而且同我一樣有酒窩，同我性格好相似，會考慮認佢做契仔。」
而說起百厭史，又南細說他的玩火往事︰「我細個好想玩煲蠟，嗰時未到中秋節，我叫啲朋友上去我屋企廁所玩，我哋仲頭笠住個密實袋，當時好大煙攻到唞唔到氣，最大鑊係鏟唔到啲蠟。」而天佑表示最難忘玩跳石壆：「有次玩到企喺停車場，有成3、4層樓高，嗰次之後先識驚，跌咗落去真係會死人。」