【區選大戰】
【本報訊】區議會的「小白象」工程浪費公帑，「經典作」包括鰂魚涌「不能避雨亭」及元朗區議會試圖以17億元天價興建天橋，兩名不同年代的土木工程師，今屆區選齊齊在東區征戰；80後張振傑有感當區議員只顧「蛇齋餅糭」，未有真正處理社區規劃及環境問題，決心於興東披甲；70後王振星則續在太古城東尋求連任，務求為民主派守住議席，冀用專業為公眾監察區議會工程撥款，杜絕小白象工程。
記者：陳嘉裕
張振傑 新丁挑戰蛇齋餅糭
自小在筲箕灣長大的張振傑一直關注區內問題，他留意到由領展管理的興東邨停車場連年加租，區內違泊問題亦嚴重。他曾就區內問題電郵當區現任區議員工聯會許林慶，但未有回音，三年前與朋友組興東東熹環境關注組，冀協助解決區內問題、以專業知識回饋社區。
無懼深紅選區
張振傑認為區議員應就社區問題提出解決方案，惟許林慶卻只懂蛇齋餅糭：「佢如果淨係派蛇齋餅糭我唔會覺得唔妥，咁佢都係幫緊老人家，但當佢冇專業知識去提議一啲事，而嗰件事做出嚟會影響街坊，咁就係問題」。他舉例指許建議區內興建的過路處，改建後附近的巴士站避車處和路面縮窄，一周內引發多宗交通意外，「呢個就係我成為區議員可以避免嘅嘢，亦都係佢（許）唔應該繼續連任嘅原因」。
土木工程師工作繁重，為何仍要投入區選？張坦言：「好老實，放完工咁攰我睇吓戲、拍吓拖、去吓旅行唔好？（落區）對我嚟講係一個樂趣同使命。我會諗，如果我唔出嚟，真係冇人出嚟，呢個社區會繼續有問題，甚至更加差。」最近的反修例風波，更鞏固他參選的決心：「每個香港人都諗辦法去幫呢個地方，我覺得每個人有自己嘅位置，而咁啱我嘅位置係可以做到呢樣嘢（參選），我會盡力去做」。
有別於一般民主派素人，張振傑沒有打住民主派旗號出選，他直言：「希望街坊投我票唔係因為我唔係工聯會，而係佢真係覺得我呢個工程師、呢個後生仔係幫到佢哋。」興東被視為深紅選區，民主派過去兩屆派人參選無功而還，張坦言無論贏輸，希望能予壓力令對手「做多啲嘢」，「佢派多啲糭、派多啲奶粉，對我嚟講已經幫到呢個社區」。
王振星 監察社區資源分配
興東有工程師新丁上場，太古城東則有泛民中佬王振星尋求連任，對手是新民黨郭浩景。王振星上屆區選以82票擊敗新民黨對手當選，四年來奔走於專業和地區工作之間，他直言沒有被忙碌的生活嚇怕，反而更有興趣繼續服務，「（東區區議會）好多嘢都繼續發展緊、去緊，例如規劃上嘅硬件；軟件方面，議會資源、公帑嘅運用、撥款嘅機制都係要推進改善」。
王振星指工程師背景令他更有效履行區議員工作，特別在審議地區工程撥款，更加容易掌握資料，發問過程亦可揭露政府回應上有否不盡不實之處。
致力推動民主
四年過去，王強調參選「初心」不變，認為區議會是推動社會民主發展的重要一環，除了在地推動民主普選制度，亦要透過地區工作提高市民的社區參與：「區議會暫時喺香港仲係一個最公平、最低門檻、資源上相對地可以自由運用到嘅選舉。如果能夠喺地區入面推動市民參與，係值得去做」。
翻開王的單張，會發現他向市民公佈區議會撥款項目，讓市民知悉所交稅項用於何處，了解社區資源分配的看法，他認為也是民主深化的過程。