歌手迪子上周六在台北參與同志遊行,前日她就去到台中,在逛街時發現連儂牆,即寫memo為香港打氣,還放上Ig。迪子接受《蘋果》電話訪問說:「今次去搵之前玩音樂節識嘅朋友,嚟到台中,咁啱畀我見到有條好完整連儂牆,有台灣人喺度寫,自己都有寫,佢哋好好,擺晒啲嘢喺度畀人隨便寫,唔會有人搞。」
連儂牆上貼滿「台北一心,香港加油」、「香港人反抗」、「為自由而戰」等字條,迪子說:「外國人、日本人經過都有影相,有台灣警察喺度行,我諗係睇吓有冇人搞破壞,我覺得好諷刺,香港嘅警察係打市民,撕走我哋嘅連儂牆,台灣警察係保護連儂牆。」
採訪:皓騫