【狂踩林鄭】
【本報訊】反送中風波持續四個月，特首林鄭月娥下台的傳聞甚囂塵上。代表地產及建造界的立法會議員石禮謙率先與林鄭政府「割席」。他批評林鄭月娥是引發過去數個月社會動盪的罪魁禍首，《施政報告》又用施捨態度來解決社會矛盾，但「五大訴求冇要你畀間屋佢」。他形容林鄭月娥施政「short circuit咗（短路）」。
記者：麥志榮
曾在建制派支持下擔任《逃犯條例》法案委員主席的石禮謙接受《經濟一週》訪問時承認，他個人其實反對《逃犯條例》修訂，因他不同意林鄭月娥聲稱修例是堵塞漏洞，「廿幾年咁多屆政府都唔郁，董、曾、68……梁……政府，呢個係聖火，唔係黑洞，聖火話畀我哋聽，香港法治與內地法治唔同，忽然間呢個窿填咗，普通法、香港法同國家法例黐埋一齊就冇咗光燄，林鄭想打熄呢把火」。
石禮謙指出，這亦是幾百萬香港市民反對的原因，大家都希望保留現有制度。
轟施捨角度處理社會矛盾
石批評林鄭月娥逃避責任，「林大姐一開始就指住過去幾個月有400場示威，拉咗2,000人，搞到社會不安。佢三隻手指指住自己，有冇檢討吓政府做咗乜嘢，引致幾百萬人出嚟？社會唔公義，鍾意就改吓例，鍾意就搬吓龍門呢到，鍾意就搬吓龍門嗰到，後生仔咪唔高興囉」。
不少建制派批評教育出錯，但石認為教育無錯，教育出很多有承擔、有理想的年輕人。年輕人為理想甘冒十年監禁的風險上街，不論對錯政府都應該聆聽，所以應獨立調查，林鄭卻用監警會慢慢拖，令人覺得政府不是在聆聽。
石禮謙認為林鄭月娥剛發表的《施政報告》用施捨角度來處理社會矛盾，「尊嚴係錢買唔到。五大訴求冇要你畀間屋佢，後生仔五大訴求只係要公義、公道、公開、公正」。
石用十個字批評林鄭政府，「無用人之道，無容人之心」。政府打壓了佔中，社會矛盾卻不斷擴大，就算不是反送中，抗爭運動遲早爆發。「林鄭上台時話要connect，𠵱家connect錯咗，short circuit咗」。
建制派在反送中風波中一直盲撐政府，他自嘲道：「我哋係好好嘅士兵，將軍話乜就去做，我忽然發開口夢至講咁多嘢咋！」