在香港主權移交前曾任皇家香港警察的王喜，多次在社交網鬧爆警方。警方最近以一張印上行動呼號的白色硬卡，代替警員委任證編號，王喜昨日在fb鬧爆：「乜＿行動代號呀？同囚犯一樣，你哋每一個都被分配一個終生編號，由入冊到出殯，去到邊，叫一聲呢個冧巴，就等如叫你。」王喜又指：「卡紙可以當塔羅牌咁，今日你抽呢張嚟當更，收工就變廢紙，聽日又再抽過第二張。日日換代號，過得兩、三月，你有本事記得全部用過嘅代號咩？」
另外，《野獸刑警》編劇陳慶嘉上周五以筆名阿寬為報章撰寫專欄，他以「最優秀警察」為題，大讚毅進畢業的警察，勝過美國哈佛大學的醫學博士。陳慶嘉昨日接受電話訪問，他笑說︰「讚下啲警察啦，佢哋做得咁好、咁叻，佢哋應該唔會驕傲嘅。」至於警察最弱一環「唔曉講大話」，他慨嘆說︰「每日見記者會都俾人拆穿，市民都『好錫』佢哋，指出有乜嘢錯。」憑《野》片獲影帝的黃秋生大讚陳慶嘉：「果然係文人，好鬼抵死。警察出嚟搞笑箒，同講大話乜關係都冇，反過嚟解讀，全部真話。」
採訪：李森