陳庭欣（Toby）昨日到將軍澳出席節目《二億人的世界》記者會，她表示早前遠赴非洲拍攝：「初時以為可以有機會見到好多動物，但點知到最後，一隻都睇唔到。」由於當地電話訊號接收差，Toby笑言因此少玩手機，反而令自己更專心了解當地貧窮情況：「當地好多人冇鞋着，啲衫都係爛，小朋友見到我哋好開心，試過坐車時佢哋會敲玻璃窗，想我畀手上塊餅佢哋，搞到我都唔敢望佢哋。」
Toby透露有多位保鑣沿途保護，為免被人攔途截劫，連司機揸車的速度都比較快。此外，她指出發前打了預防針，防止伊波拉病毒：「工作人員一早提我唔可以着短褲，一來防止俾蚊咬，二來防止當地嘅男士。」
撰文：寶妮