趣趣地:伊巴自爆返西班牙

趣趣地:伊巴自爆返西班牙

伊巴謙莫域嘅美職生涯已經完結,因為早證實下年唔會再踢美職嘅佢,效力嘅洛杉磯銀河上周四喺美職季後賽提早出局。伊巴謙莫域周二就喺ig拍短片似係透露下一站,對住鏡頭咁講:「你好西班牙,估到嗎?我要返嚟喇。」令好多人揣測佢重返西甲,但亦有人質疑呢位曾踢過巴塞隆拿嘅38歲前鋒,可能係做緊商業宣傳,唔一定係真正返歸。不過,美職聯周一公佈咗2019年最佳陣容,佢就同FC洛杉磯嘅卡路士韋拿一齊入選。