湯寶如昨日到商台接受訪問，正在為ViuTV音樂節目《Chill Club》擔任主持的她開心說：「節目會有13集，啱啱播咗第一集，反應都OK，我都有傾緊啲嘉賓，有啲會難度期嘅，之前已經搵咗王馨平同趙學而，佢哋係我好朋友，之後都想搵方皓玟同陳柏宇，想節目young啲，我好鍾意佢哋。」
最希望找陳奕迅（Eason）當嘉賓的湯寶如說：「其實我已經打咗畀佢經理人，但係佢要準備演唱會，好多工作，希望添食啦，到時可以搵到佢，呢個係我嘅夢，Eason真係好難請到，尤其係唱live，我睇住佢出道，𠵱家咁成功，真係好欣賞佢，應該要上吓電視。」
採訪、攝影：羅慧敏