阮兆祥前晚在旺角麥花臣場館舉行音樂會尾場，遇上旺角有示威，但未有影響演出。阮兆祥完騷後受訪，提到旺角有示威活動，他坦言：「我都知道下面情況有啲緊張，有觀眾都提早到場，亦有人擔心嚟唔到，其實我哋今晚賣飛係full house。」阮兆祥稱有八成觀眾到場，又表示沒有想過有安哥環節，指開了燈大家都不願離開：「我都有諗喺比較緊張嘅情況下點處理，不過好多朋友嚟咗，我想如期舉行，唔想大家失望。我有同場館溝通咗，如果出面真係有問題，大家係可以留低嘅。」阮兆祥表示若有觀眾因不安全、不想的情況下未能到場，願意為他們退票。
其後，阮兆祥表示會先安排大家安全地去慶功宴：「我覺得唔太大問題，有需要我會安排交通，每位手足都係拍檔。」他表示今次音樂會自資七位數字：「我係儍，加大咗個舞台，收支平衡應該未必，我冇睇過，要問梅小惠。」他特別感謝梅小惠幫忙，大讚對方有義氣，但毋須刻意報答，更揚言：「我一世欠佢。」
採訪：盧妹
攝影：林賓尼