冇編號、冇委任證、蒙面的差佬，有一次面對外媒，對方大聲問差佬姓名，超詼諧的，差佬冇兜口兜臉噴椒而係淡定回覆：FBI！我希望這條片是二創，因為冒充FBI都幾大鑊。如果係堅FBI呢？香港已經被武警喬裝恆常化搞到雞毛鴨血，假如連美國警察中的佼佼者也參一腿攪局，FBI摃上了深圳春蠶體育館練兵那批64部隊，全港被他們聯手「大裝修」，后果誰負？庸碌代言人李家超，點應對，唔通學黨鐵十點鐘落閘？揸美國護照全部拒絕入境？等住拎綠卡的謝sir半天吊喎，點死？
警隊虧心事做過界，為避人耳目，全包蒙面都怯忌，申禁制起底，冇相冇車牌冇地址冇家屬……百冇禁忌！三萬警隊資料零披露，恍如人間幽靈！警察的選民登記亦禁制傳媒查冊，兩招自製羅斯威爾。飽食毒TG兼被射藍色水的市民，要求解散呢班Unique F××xking Object，天經地義。不服氣嗎？叫你個關二哥落嚟！（唔係42樓那位）