黃翠如及蘇志威昨日到中環出席婚姻網站宣傳活動，翠如指老公蕭正楠正為她計劃旅行賀她38歲生日，翠如說：「平時由我負責計劃行程，今次佢資料搜集，不過原來佢乜app都唔識用， 噚日就喺屋企教佢用租酒店、機票嘅app。」對於唐詩詠（Natalie）與洪永城早前一齊出席為黃翠如慶祝生日，翠如說：「佢哋兩個私下係好朋友，活動亦都係Natalie負責約。」有網民叫二人復合，翠如說：「唔會啦！佢兩個都好好性格嘅人，有keep住朋友關係，喺Ig度有互窒。」
蘇志威表示，日前與太太劉小慧結婚21周年紀念，蘇志威說：「其實97年10月26號先至係我哋嘅結婚周年，但係10月20號因為有咗個女，所以當日擺酒，成為第二個結婚周年紀念。」
採訪：張明
攝影：葉君海