張家輝與電影《催眠．裁決》的三位導演劉永泰、黎兆鈞及施柏林，日前在尖沙嘴接受訪問。家輝在新戲演催眠師，三位導演表示，未決定角色前，張家輝已經是不二人選。家輝今次拍戲，最難忘一場戲是蘇麗珊被他催眠：「蘇麗珊好投入，雖然我唔係專業催眠師，我都盡力進行催眠，嗰一刻佢狀態顯得真係有部份被催眠。」家輝有否試過被催眠呢？他說：「我驚我講晒啲銀行戶口出嚟，我驚我有陰暗面，將我一啲潛意識撻着咗，又驚幫我搞唔番，所以都係唔好。」
家輝表示陪審團退庭商議的一場戲很重要，有鄭則仕及金燕玲演出：「如果唔係上下一心，都好難一齊困喺間房對住十幾日。鄭則仕係老戲骨，一早諗好晒點演，金燕玲係好執着嘅演員，不過合作好愉快。」
採訪：張俊銘
攝影：陳俊強
場地提供：港威酒店