【本報訊】防暴警在尖沙嘴施放催淚彈，在星光大道的「美樂士多」卻未有落閘，在「烽煙」中繼續營業。老闆李先生身穿印有「香港人加油」字樣的上衣、舖面貼上「香港加油」貼紙、門外放着一箱樽裝水，寫着「免收水費」，為抗爭的香港人加油。
「要抱怨都係抱怨一個人」
李戴上黑口罩說：「其實我哋預咗（吸入催淚煙）嘅，隨遇而安啦，我哋呢啲市民好多嘢都控制唔到。」他指警方施放催淚彈是意料中事，但根本無法防範，只能預備口罩和眼罩營業。
近月有不少九龍區遊行集會，都是以尖沙嘴作為集合地點，但美樂士多並不曾試過因為遊行集會而暫停營業，皆因李先生認為「始終要開門做生意」，而且亦可趁機同時支持參與抗爭的市民。李先生指近日有不少市民在消費後刻意留下找續的金錢，以支持商店，於是李先生就將市民放下的金錢轉化成一箱箱的樽裝水，讓參與示威遊行的途經市民可以隨便取用，「好自然㗎咋，我哋始終都係小店冇乜嘢可以做到，最多係派吓水」。對於近月生意變差，李先生坦然面對：「抱怨啲乜嘢吖，要抱怨都係抱怨一個人（林鄭月娥）㗎啫！」
■記者張景昕