年屆88歲的紅姨依然老當益狀，提到養生心得，她直言：「我喺床做運動嘅！因為我覺得喺床做一定唔會跌倒，你喺廳度做會跌倒，我瞓喺張床度拉筋踢腿，可以稱得上係百分百安全。我唔去晨運㗎，朝朝早做半個鐘頭床上運動，我做完晒之後坐喺床口，飲杯暖水，我朝朝早飲兩杯嘅，去洗手間先至再飲多杯。」飲食方面，紅姨每天早上吃鮮奶麥皮做早餐，加上亞麻籽和花膠，每天又會食一隻烚蛋和一個橙，沒甚麼要特別戒口，但會少食多餐。
紅姨丈夫林德強在四年前病逝，好友琴姐患腦退化症，面對生老病死，紅姨其實已看通：「一個人生死係有定嘅，唔到你自己控制，總之上天幾時要攞人，咪走囉，好似Leslie得嗰四十幾歲，又唔係為柴又唔係為米，點解要結束自己生命呢？呢啲咪上天安排，所以自己最緊要開心，活得精采，好似我年紀咁大，有一班好嘅朋友陪我，仲求乜嘢箒？做人唔需要咁認真咁緊張。」