現年41歲的楊思琦早前承認再有喜，並驚爆已在年中與圈外男友於外地註冊。思琦妹前晚deep V現身尖沙嘴出席活動，上圍明顯升cup的她笑說：「感覺到件衫想爆開，有向橫發展感覺，上身好重，升咗唔止一個cup，內衣都唔啱着。」思琦妹指今次陀B比上次辛苦，有時會頭暈作嘔，老公都有叮囑一切小心。思琦妹老公身份仍未曝光，也沒有陪伴在側工作，她說：「我哋各自努力。」
同場的黃浩然早前轉投古天樂的公司，前晚他主動澄清沒有離開無綫：「仲有藝員合約，唔好打爛我飯碗，話我做到意興闌珊，冇咁嘅事。」黃浩然再三強調與無綫合作開心，會繼續拍劇：「我都四十幾歲人，對電影仲有夢，趁仲有氣力咪簽咗古仔公司。」
採訪：卓寶花
攝影：陳俊強
