陳百祥（阿叻）、吳若希及陳庭欣等昨日在電視城出席慈善節目記者會，阿叻日前發表「如果我是警務處處長早就開槍」言論，他昨日表示是為鼓勵警察：「呢個係安慰言語，因為如果你用唔同嘅暴力對付警察，警察都應該用升級嘅暴力制止混亂。」華星冰室最近因為譚詠麟撐警與對方割席，阿叻指：「因為佢哋驚，割唔割席我唔知，呢啲係佢哋私人嘅事，但係當你被恐嚇，睇到嗰啲中資舖頭被人打爛，咁可以點呢？先唔講割唔割席，阿倫都唔需要嗰張席。」
陳庭欣近日撞車，撞瘀左邊面頰，她表示已沒有大礙，她更說近半年都好黑：「鸚鵡飛走咗，好彩搵番，前幾日跌咗鎖匙落坑渠，執唔到。」吳若希表示會演唱新劇插曲，最近已推出MV，她笑言：「畀咗老公睇，佢話我都係唔好做戲，適宜唱歌多啲。」
撰文：翁可人
