阮兆祥一連三場「King of Dreams演唱會」前晚在旺角麥花臣場館開鑼，胡楓、曾志偉、薛家燕、蔡一智、蔡一傑、李司棋、盧宛茵、KellyJackie、陳志雲、江欣燕及陳彥行等到場支持。阮兆祥以一身西裝披上斗篷出現，他興奮地說：「今晚能夠完成自己夢想，2013年後冇再舉行個人演唱會，高興今晚企喺咖啡杯移動舞台，事隔六年再開演唱會。」祥仔表示今年有兩個BB出世，一是演唱會，另一個則是全新專輯：「多謝修哥（胡楓）同我合唱《天各一方》，修哥嘅讀白好感動，令到人掉下男兒淚，多謝修哥咁錫我。」
林曉峰二子伴奏
在演唱會上，祥仔施展渾身解數演出，與合唱團SENZA A Cappella合唱《心急人上》，祥仔又在林曉峰二子的結他伴奏下唱出《Today》、《活著VIVA》等。另外羅凱鈴（Judas）任嘉賓，跟祥仔合唱《紅色跑車》、《逆流之歌》及《因為愛情》等歌曲，祥仔問對方為何一口應承，Judas笑言：「因為我下月14日喺同一個場地舉行我嘅演唱會，咁咪嚟試吓個場，多謝祥師兄畀個機會我。」
尾聲時忍不住喊
而蔡一智和蔡一傑更上台與祥仔大搞氣氛，祥仔回想當年首次拍攝劇集《沖天小子》，便是跟草蜢及張智霖合作，充滿無限回憶，三人即場合唱《三分鐘放縱》，傑仔笑說：「早知係咁當年飛起蘇志威，我唔做演唱會都嚟睇阮兆祥，取消演唱會都嚟，幾大面。」阿智笑稱：「2019年新草蜢。」傑仔、阿智更分別和祥仔咀嘴，台下即嘩聲四起，尾聲時祥仔終忍不住喊了出來，場面感人。
採訪：張明
攝影：仇志德