張慧儀昨日到港台受訪，她主演ViuTV劇集《假設性無罪》已播出大結局，令她失去精神寄託，希望原班人馬會再開劇。慧儀表示喜歡和ViuTV合作：「今次拍攝模式唔同以前日以繼夜，劇組開工12至13小時，間中有特別情況會有15個鐘，但唔會日日都special，有足夠時間休息，每星期都有假放，唔使好chur，休息好重要。」
近日忙於工作的慧儀，少了親子時間，試過最長一星期沒見兒子，她說：「阿仔埋嚟攬住我錫我一啖，話媽咪好耐冇見，我解釋佢聽媽咪工作辛苦，因為家裏得媽媽冇爸爸，唔好亂花費，畀心機返學，乘機教育佢，𠵱家佢成日問我幾時返屋企，知我忙又會分擔家務。」
採訪：卓寶花
攝影：陳俊強