37歲孫慧雪曾透露有意在40歲再出寫真集，已育有一子的她，近日積極操弗，不時在社交平台貼性感相，看來狀態大好，有網民質疑她是否上載未生仔前的舊照呃like，她凌晨出post回應：「新相嚟㗎！我前幾日影㗎咋，我今年37，就嚟四字頭啦！」
強調懷孕時體重160磅的雪雪，覺得女人想保持美好身材一定做到：「最常聽到就係有人話，真係好擔心keep唔到、會肥、會盆骨大、胸部會變形，講到好擔心同好似點都返唔到轉頭咁！」她知道有大肚婆怕肥，懷孕時只食菜，但她認為應要均衡飲食：「你都唔想佢唔健康或者唔聰明啦！如果係咁，就唔好做媽媽，因為做媽媽只會怕一樣嘢，就係BB唔健康。」
撰文：王連連