【捨命為公義】
逆權運動爆發超過4個月，官方公佈已有1,300多名傷者向公立醫院急症室求醫，但實際受傷人數相信應遠不止此數。
醫學界立法會議員陳沛然指出，基於在衝突現場擔任義務急救員的觀察，有超過半數傷者不敢上救護車或到急症室求醫，陳沛然相信他們透過不同渠道尋求治療，估計至今有3,000名傷者也不誇張。
過去兩個月公立醫院張醫生（化名）主動接觸Telegram群組，治療不敢正式去急症室的抗爭者。
記者：陳沛冰
Telegram問症 不問傷勢來源
張醫生說，近兩個月自己像化身電台節目的醫生，透過Telegram群組，隔空回答不敢正式求醫的抗爭者傷勢問題，做初步診斷及提供簡單護理建議。張醫生當初主動接觸Telegram群組，是希望為這些抗爭者，從其他渠道提供治療。但他漸漸發現，部份傷者像視死如歸，「佢哋基本上做得呢件事，就冇晒希望，犯法當然唔係問題，死都唔係問題，受傷更加係小嘢。對佢哋嚟講，受傷最煩係痛，令佢哋有啲動作做唔到，但佢哋唔擔心長遠會唔會有後遺症」。
有傷者手持續不能活動數周，可能是骨折，但多次苦勸也不肯治療，張醫生只能透過Telegram了解傷者傷勢有否惡化。他形容有「小朋友」對受傷置之不理，要由「家長」代為聯絡他，詢問傷勢的嚴重程度及如何自行療理。有次他已約好傷者診治時間，但傷者臨時「甩底」。
「呢個係好悲哀，好多都係後生仔女，佢哋其實仲有大把前途，但係對生命嘅熱愛冇咗，或者佢哋覺得，佢哋嘅生命係攞嚟拼搏，甚至犧牲，去換取其他人可能會得到嘅公義，未來會更加好」。張形容這種像打仗時士兵甘願為國捐軀的心態，出現在香港一個個活生生的年輕人身上。
張至今接獲10多個來自Telegram群組，及「朋友的朋友」有關傷勢查詢，包括被打傷、被布袋彈射中身體、足踝扭傷、腳趾骨撞傷致骨折。問症過程中，他只會問與治療直接有關的問題，不會問傷者被誰打或被誰推跌，希望獲傷者信任提供治療。隨着暴力不斷升級，傷者越來越多，他作為醫生心裏很痛，「唔代表我哋認同佢哋（抗爭者）暴力，但係佢哋個心唔係自私，係為咗個社會好，只不過佢哋嘅聲音、做咗好多嘢都無人理，好無助、無奈。」
傷者不信制度 寧棄求醫權利
當日張醫生決定走出醫院幫助受傷抗爭者，因看到8.31晚警察在港鐵太子站內亂打抗爭者，「都已經瞓咗喺地下，你（警察）仲一棍一棍咁毆落去，一定會骨折」。他無法坐視不理，「年輕人為咗我哋受傷，我冇勇氣冇能力去跑，可以做嘅微不足道，就係醫好佢哋」。他深信公立醫院醫護人員會保護病人私隱，若見到有警務人員在醫院內有侵犯病人私隱的行為，一定會阻止；可惜年輕人對社會制度已失去信任，只有猜疑，連運用基本人權到醫院求醫也不敢，「你見到警察咁做嘢，或者𠵱家啲浮屍案，個真理喺邊度？大家都唔會咁易信官方講嘅嘢」。
在衝突現場，陳沛然經常聽到有人說：「唔好上白車。」他說：「你喺現場做一次（急救員），你就知幾多人冇上白車。」曾試過在衝突現場，有一名以往曾爆肺的抗爭者，突然呼吸困難，急救員擔心再爆肺而為他召救護車。他為該抗爭者診斷後認為沒有爆肺，是吸入催淚煙及驚恐，導致過度換氣及呼吸困難，屬過度換氣症候群。該抗爭者經治療後症狀紓緩，其後救護車到場，但該抗爭者擔心被送入公院會被捕，沒有上救護車。
陳說，現場所見被布袋彈等射中身體，而導致皮下出血的大有人在，相信他們不會到公院求診。官方傷者數字一定低估了實況，「每晚點止20、30人受傷，3,000唔係一個誇張數字」。
