【區選大戰】
【本報訊】南區選舉主任換人一日後，循南區「海怡西」選區參選的民主派黃之鋒仍未獲確認參選資格。他昨與對手新民黨陳家珮出席論壇時指，相信原選舉主任馬周佩芬因「唔想接北京呢個燙手山芋（DQ黃之鋒）」才休假，陳家珮則歸咎黃兩度回覆選舉主任查詢時長篇大論，但避談黃應否被DQ。另外，陳批評黃到美國「篤（選舉主任）背脊」，黃反諷曾有美國護照的陳「仲要總統選舉投過畀奧巴馬㖭」。
記者：呂浩然
海怡西是現時唯一未進行候選人編號抽籤的選區，原因是黃的參選資格還未獲確認。不過他昨與陳家珮率先出席電台的選舉論壇，成為參選人與候選人的對碰。
黃之鋒認為，因病休假的馬周佩芬正承受着極大的政治壓力，因為選舉主任本來的職責只是核實參選人「提名夠唔夠、文件齊唔齊」等行政工作，而不是審查參選人的政治主張，故此很明顯馬太「佢唔想接北京呢個燙手山芋，亦都唔想自己成為一個DQ主任」。
諷陳家珮「投過票畀奧巴馬」
不過，陳家珮以沒有被DQ的民主派朱凱廸為例，質疑因黃之鋒回覆馬太查詢時長篇大論，沒有正面回覆，導致如今還未能確認參選資格。電台主持遂追問，若陳是選舉主任會否DQ黃，陳即避談說「我唔係選舉主任」。
此外，陳家珮歸咎黃向美國「篤（選舉主任）背脊」，反問「係唔係所有問題如果唔順你意、唔如你意去做，你就會去搵美國嘅後台嚟幫手呢？」
黃之鋒隨即反駁，陳家珮曾有美國護照和綠卡，「仲要總統選舉投過畀奧巴馬㖭」，「我自己就冇喺美國有一個綠卡嘅身份，雖然成日啲建制派都話有。所以我自己喺美國嘅經驗都冇家珮咁多」。陳惟有解釋沙士期間因在港找不到工作而到美國，繼而取得美國護照，又辯稱居美七年受過歧視，更覺得自己是中國人，又強調很久之前已放棄美國護照。她指黃之鋒以為美國一定會幫助港人，想法天真。之後，黃之鋒指出陳家珮任區議員的四年間只提出過三項議案，再者身為區議員至少要開會，可是今年7月初區會討論瑪麗醫院重建和反送中時，陳與其他建制派區議員以反送中屬「政治嘢」為由集體離場導致流會。
陳家珮試圖反擊，「𠵱家個社會咁鬼暴力，我哋為民請命都要保住條命㗎吓嘛」，主持人也不禁開腔問「即係個會（議）會令你冇咗條命？」陳說：「我哋都驚有啲暴力衝擊發生㗎嘛。」
最後談到有傳港府欲押後區選的問題，黃強烈反對押後說：「公平選舉係香港人應該爭取嘅嘢，𠵱家就係建制派、保皇黨同政府打龍通，帶頭破壞公平選舉，務求要DQ我、封殺我去享有一個公平競爭嘅機會。」陳家珮只表示，希望選舉能和平、安全、順利地在下月24日舉行。海怡西其他候選人還有民主派林浩波，林昨未有出席選舉論壇。