馬浚偉（馬仔）前晚在灣仔演藝學院舉行演唱會頭場，由陳志雲作旁述，介紹馬仔的成長故事揭幕。當樂隊奏起《這刻向你衝》時，馬仔即從後台跑出，一口氣唱了五首歌。馬仔之後表示因香港社會氣氛影響，之前有計劃將整個演唱會延期，但經過重新思考及獲投資方同意，又想跟大家見面、唱歌、傾偈，帶來開心，全場觀眾即鼓掌支持，他說：「我就係想聽到呢個答案。」
暗寸無綫
入行至今已26年的馬仔，直言任何風浪也見過，他指當年跟唱片公司完約後，曾想過離開娛樂圈重返故業賣化工原料，但突然被無綫邀拍劇，以為音樂夢碎，但幸運地每次都能唱主題曲。演唱會上，馬仔唱出不少劇集主題曲，他又請陳志雲擔任特別嘉賓，志雲上台不久便追問馬仔：「乜你暫別TVB咩？我冇睇好耐，唔知道，仲有你做乜成日強調同TVB關係好好，你好驚好似我咁？」令馬仔無力招架。
合唱粵曲
之後志雲續說：「你無情情做乜又派歌又開演唱會？」馬仔表示從沒放棄唱歌，以往在舞台劇有唱歌，在美加等地也有開演唱會，只是未曾在香港開，志雲即咬着話題說：「咁你即係『光復樂壇、時代革命』，大家一齊為馬浚偉加油！」全場觀眾即拍爛手掌，當志雲大叫「馬浚偉」後，觀眾和應「加油」，叫了兩次馬浚偉後，志雲叫出「香港人」，觀眾即毫不猶豫大叫「加油」，被殺個措手不及的馬仔想打圓場，志雲就笑指近期演唱會流行叫幾句，馬仔無奈說：「乖啦！」之後兩人合唱粵曲。
採訪：馬建華
攝影：陳慧安