鄧萃雯昨晚到尖沙嘴出席活動，提到日前她與曾傳不和的商天娥出席分享會時，對方主動獻吻泯恩仇，鄧萃雯說：「其實我都冇諗過佢錫我㗎！我拍嘢嗰陣都未顧得掂自己，都係對事唔對人，第二朝瞓醒就冇嘢。」她坦言會將心比心，明白別人有怒火的原因，她說：「可能佢有好多不如意嘅事發生咗，只係咁唔好彩發洩喺我身上，唔等於我得罪咗佢。」
鄧萃雯透露2016年在北京慶祝入行30周年的影迷分享會，已邀請商天娥擔任嘉賓，笑言恩仇一早已泯：「可能大家都硬倔倔，唔笑又似好惡，所以我明白。」同場的關智斌對於主演電影《墮落花》獲選今屆香港亞洲電影節「隆重呈獻」環節，他感到受寵若驚：「我好耐冇喺香港拍電影，上次已經係八年前嘅《救火英雄》。」
採訪：盧妹
攝影：陳慧安