王馨平和男團ERROR昨日在九龍灣錄影ViuTV音樂節目，雙方第一次見面，ERROR公認百厭，王馨平笑言：「我冇睇過佢哋比賽時唱歌，乜佢哋好百厭嘅咩？我都好百厭㗎！唔知會唔會百厭過我，一陣同佢哋傾吓偈。」今次因為老友湯寶如主持節目，才首次在ViuTV亮相，她笑言要間中活躍，提醒觀眾自己是歌手。
近年有不少歌手慶祝入行周年而開騷，王馨平表示也想在紅館舉行個唱，曾入紙多次但不成功：「啲人話難過抽公屋，我排過幾個月，聽講有啲人入紙一、兩年。」她表示入行25年後，歌手可以每年慶祝，自己有26年年資，但想有新作品，不想倉卒完成。
採訪：王連連
攝影：沈健程