林奠低頭滑手機，當新紮日皇冇到，她早已承認過，擦鞋都咁話：本人心中只有一個皇，就係習皇，習爺，習神。滑手機被斷正，其實係一場滑機騷，林奠年年考第一，趁機自己做公關解畫：
滑手機connect年輕人，包括陳同佳，睇佢有冇需要，搵我愛將小聶和佢飛。換走聖公會大管家，等聶官避吓風頭。中意買樓嘅佢會用吓政治智慧，唔會對台北豪宅起痰。而大管家身份太多了，萬一台灣當成係佢投案，判佢死刑，添煩添亂啊。再者，用手機係冇私隱可言，我點會咁蠢私訊畀老公。至於係咪收到習總直接電郵叫我借歪，基於國家安全，我唔方便回答。
你指光頭劉sir要我覆佢？我的contact從來無藍色object。有人睇到我喺手機留言形容警隊是用完即棄的避孕套。嚴正聲明，這是天方夜譚，褻瀆感召我的上帝。我講過，賣身畀香港，預咗，市民當我係出氣袋或者尿袋都好，我係唔會自首嘅！我咁樣滑手機，是完美示範了何謂「政治操作」！嘿，唔怕話你知，我上網格埋價，明年三月的機票好抵買。大家釋懷，冇諗太多。