禮拜三亞冠四強次回合賽事，首回合落後兩球嘅廣州恒大（紅衫）返到主場迎戰浦和紅鑽。賽前有傳假如恒大成功入到決賽，主席許家印就會派發1,000萬人民幣畀全隊，可惜有獎金激勵都冇用，恒大初段全力進攻，但都入唔到波，去到50分鐘仲要俾對手興梠慎三嘅頭槌頂入，最終恒大主場0:1輸波，總比分0:3出局。