禮拜二奧林比亞高斯對拜仁慕尼黑嘅歐聯青年組賽事，作客嘅拜仁喺84分鐘已領先4:0，不過主隊球迷就睇唔過眼，喺看台搵拜仁嘅球迷「私了」出氣，令到比賽被迫暫停咗25分鐘，最後由希臘警方入場平息騷亂，不過由於比賽未完結，球證同兩支球隊商量後，雙方球員同意一齊喺中圈「搓馬騮」踢埋最後幾分鐘。