【馮仁昭四圍超】鄺星宇難忘半裸跑圈減壓

【馮仁昭四圍超】鄺星宇難忘半裸跑圈減壓

鄺星宇噚日到商台宣傳新歌《第五個季節》,歌曲想帶出第五個季節,係屬於自己季節,唔好因為其他人嘅睇法,而慢慢受影響去改變自己。

下星期四係萬聖節,鄺星宇話呢個係自己全年中最期待嘅節日,佢記得喺美國讀書時,每逢萬聖節都近考試,佢話:「學校安排一項活動,畀學生除剩內衣褲喺校園跑圈,用意畀大家減壓。」佢自知身形唔夠健碩,每年都選擇做觀眾打氣。
撰文:馮仁昭