著名男性雜誌《GQ》早前就揀咗利物浦前鋒穆罕默德沙拿做「年度男士」嘅候選人之一，佢仲同巴西超模安布絲奧一齊拍攝咗一輯硬照，做咗最新一期中東版GQ嘅封面人物。不過呢輯硬照曝光後，唔少球迷去沙拿嘅社交網站留言，話佢作為一位已婚嘅穆斯林，唔應該同其他女性拍一啲有身體接觸嘅相，仲話佢有辱穆斯林咁話。