「零票」自動當選嘅立法會議員、民建聯嘅黃定光，過去經常俾人影到喺立法會瞓覺，不料遠喺意大利亦有位仁兄有樣學樣。星期一意甲賽會就有關電視轉播權，邀請各間意甲球會嘅主席開會，62歲嘅拉素主席洛列圖亦有出席。點知坐喺前排嘅洛列圖，竟然學「象哥」瞓覺，仲俾人影低晒。事後張相梗係喺網上瘋傳，有唔少人認為佢做壞榜樣，認為無論係開會、返學定返工，都唔應該咁瞓覺。